Urdu Adab – Place Of urdu Poetry, Stories & Novels Online

Picture Poetry, Urdu Poetry, yaad-e-mazi Hawa, Hindi, Indian, Ishq, Muhabat, Nazam, Pakistani, Paksitani, Poem, Poetry, Romantic Poetry, Tum Udass ho, Urdu, Urdu Adab

Urdu Poetry, yaad-e-mazi Hindi, Indian, Ishq, Muhabbat, Nazam, Pagal Lardki, Pakistani, Poem, Romantic Poetry, Urdu, Urdu Adab, Urdu Poetry

Aaj bohat din baad sunai hai barish ki awaz
Aaj bohat din baad kisi manzar ne rasta roka hai
Rim jhim ka malboos pehn ker yaad kisi ki aai hai
Aaj bohat din baad achanak aankh yunhi bhar aai hai

Aankh aur manzar ki wusa’t mein chaaro’n janib bearish hai
Aur barish mein, dur kahin ik ghar hai jis ki
Aik aik eent pe tere mere khuwab likhe hain
Aur us ghar ko jaane wali kuch galiya’n hain
Jin mein hum dono k saaey tanha tanha bheeg rahe hain
Darwaze per qufl parra hai aur dareeche sooney hain
Deewaro’n per jami huwi kaai mein chup ker
Mousam hum ko dekh rahe hain
Kitne badal hum dono ki aankh se ojhal
Baras baras ker guzr chuke hain,

Urdu Poetry, yaad-e-mazi Hindi, Indian, Paksitani, Romantic Poetry, Urdu, Urdu Adab, yaad-e-mazi

Ajab Pagal Si Lardki hai
Mujhe her khat main likhti hai
“Mujhe tum yaad kertay ho?
Tumhain main yaad ati hooN?”
mery baatain satati hain
mery neendain jagati hain
mery ankhain rulaati hain
december ki sunehri dhoop main ab bhi teheltay ho?
kisi khamosh rastay se
koi awaaz aati hai?
Thatharti sard raatoN main
tum abb bhi chatt pe jaatay ho?
falak ke sab sitarooN ko
mery baatain sunatay ho?
kitaboN se tumharay ishq main koi kami aai?
ya mery yaad ki shiddat se ankhoN main nami aai?
Ajab pagal Si larki hai
mujhe her khat main likhti hai..

Jawaban us ko likhta hooN..
mery masroofiyat daikho subah se sham office main
chiragh-i-umer jalta hai
phir us k baad duniya ki
kaye majbooriyan paon main bairi daal rakhti hain
mujhe bay-fikr, chahat se bharay sapnay nahin dikhtay
Tehelnay, jagnay, ronay ki mohlat hi nahin milti
sitarooN se millay arsa hua..naraz hon shayad
kitabooN se shughaf maira abhi waisay he qayem hai
farq itna para hai ab unahin arsay main parhta hooN
tumhain kis ne kaha pagli tumhain main yaad kerta hooN
ke main khud ko bhulanay ki musalsal justajoo main hooN
tumhain na yaad aanay ki musalsal justajoo main hooN
magar yeah justajoo mery bohat nakaam rehti hai
meray din raat main abb bhi tumhari shaam rehti hai
meray lafzooN ki her maala tumharay naam rehti hai
tumhain kis ne kaha pagli tumhain main yaad kerta hooN
poorani baat hai jo log akser gungunatay hain
unhain hum yaad kertay hain jinahin hum bhool jatay hain
ajab pagal si lerki ho
mery masroofiyat daikhoo
tumhain dil se bhulaooN tu tumhari yaad aaye na
tumhain dil se bulanay ki mujhay fursat nahin milti
aur is masroof jeewan main
tumahray khat ka ik jumla
“tumhain main yaad aati hooN ?”
mery chahat ki shiddat main kami honay nahin daita
bohat raatain jagata hai mujhay sonay nahin daita
so agli baar apnay khat main yeh jumla nahin likhna
ajab pagal si larki hai mujhay phir bhi yeah likhti hai
mujhe tum yaad kertay ho tumhain main yaad aati hooN ?

Romantic Poetry, yaad-e-mazi Ghazal, Hindi, Indian, Pagal Lardki, Pakistani, Romantic Poetry, Urdu, Urdu Adab, Urdu Poetry, yaad-e-mazi

Aik Chota Sa Larka Tha Main Jin Dinon
Aik Melay Main Pohncha Humakta Hua
Ji Machalta Tha Aik Aik Shae Par Magar
Jaib Khali Thee Kuch Mol Lay Na Saka
Laut Aya Liye Hasratain Saink-ron
Aik Chhota Sa Larka Tha Main Jin Dinon

Khair Mehroomion Ke Wo Din To Gaye
Aaj Mela Laga Hai Isi Shan Say
Aaj Chahoon To Aik Ek Dukaan Mol Loon
Aaj Chahoon To Sara Jahan Mol Loon
Naar-sai Ka Ab Ji Main Dharka Kahan
Par Wo Chhota Sa, Alhar Sa Larka Kahan?

Urdu Poetry, yaad-e-mazi Bachpan, Hindi, Indian, Paksitani, Urdu, Urdu Adab, Urdu Poetry, yaad-e-mazi