Urdu Adab

Haseen Titliyoon Ko Sataya Nahi Kertay
Kabhi Pariyoon Se Dil Lagaya Nahi Kertay

Zulm Kertay Hai Akser yeah husan Walay
In ko chahat ka naghma sunaya nahi kertay

Torde Detay hain dil ko Sada hi sitamghar
Aur Wajha-e-Bewafayee Bhi batya nahi kertay

Mehktay rahay hain yeah dil ke chaman main
Mager in pe huq bhi jatya nahi kertay

Jalna hai ulfat ki rasmoon main lekin
Perwanay Shama ko bhujaya nahi kertay

Mohabbat hai kiya yeah hum se poocho
Kabhi Rah-e-Wafa ko bhulaya nahi kertay

Ghazal, Muhabat, Poetry, Romantic Poetry, Urdu Poetry Dil, Dil Lagana, Ghazal, Hindi, Hindi Poetry, Hindi Shayri, Indian, Ishq, love, Muhabbat, Pakistan, Pakistani, Pari, Payar, Poem, Poetry, Romantic Poetry, Sad Poetry, Urdu, Urdu Adab, Urdu Poetry, Urdu Shayri

KHAT

Kiya huwa tera her ik roz mujhe khat likhna
Aur khat main dil-e-betaab ki hallat likhna

Mery khatir shab-e-firqat mein na sona tera
Mery yadoon main pareshaan sa hona tera
Aur khat main shab-e-hijr ki babat likhna

Wo sar-e-sham khayaloon main meray khojana
Aur phir khud hi tera sharamsaar ho jana
Wo akelay main mujhe payar bhara khat likhna

Kis liye torde diye tu nay sabhi ahad-e-wafa
Kiya huwa vaday mohabbat ke bata kuch to bata
Kis liye chorde diya tu nay mujhe khat likhna

Kiya hua tera har ik roz mujhe khat likhna

Muhabat, Urdu Poetry Ghazal, Hindi, Indian, Pagal Lardki, Pakistani, Urdu, Urdu Adab, Urdu Poetry, Urdu Rasala

Aaj Aisa kertay hain

Guftago ke lamhon main
dekh hi nahi patay
hum tumhare chehray ko
tum hamary ankhon ko
aaj aisa kartay hain
chashm-o-lub ko parhte hain
baat chor dete hain…

janay kia lamha ho ga
jab yeah hath hathoon se
agar kabhi juda ho ga
aaj aisa karte hain
zabt-e-jaan parkhte hain
hath chor detay hain…

kash koi samjha dey
log kis tarha dil ki
manzilein alag kar ke
saath chor dete hain
aaj aisa karte hain
be-sabab bikharte hain
zaat toor dete hain…

Muhabat, Romantic Poetry, Urdu Poetry Hindi, Indian, Muhabbat, Paksitani, Urdu, Urdu Adab, Urdu Poetry

Muhobat ik Dua hai
Mujhe bus ye Dua daina
Khata koi jo ho jaye
Kabhi lehja badal Jaye
Zaroori baat reh jaye
Mera chehra bigar jaye
Agar pehchaan na paoon
Tumhain agar jaan na paoon
Dua daina
Muhobat ik Dua hai
Tum mujhe bus yeah Dua daina
Sitaray toorna paoon
Tumharay kaam na aaon
Tawazun jo na reh paye
Nazar bandi nazar aye
Ishara ho shararat ka
Koi dhoka basarat ka
Dua daina
Muhobat ik Dua hai
Tum mujhe bus yeah Dua daina
Main tum se keh nai paya
Tumharay naam ka saya
Maray humrah rahta hai
Mujhe her pal yeah kehta hai
Koi mushkil jo dar aye
Tasawur mara dhundlaye
Dua daina
Muhobat ik Dua hai
Tum mujhe bus ye Dua daina….

Muhabat, Urdu Poetry Dua, Hindi, Indian, Muhabat, Pakistani, Romantic Poetry, Urdu, Urdu Adab, Urdu Poetry, Urdu Rasala